Үйлдвэрийн урсгалын системийн далд гурван эрсдэл
Сул зогсолтын шалтгааныг ихэвчлэн насос, тээрэмд тохдог. Гэвч энэ нь ихэнхдээ урсгалын системээс — элэгдэл, хэмжигдээгүй даралт, байхгүй бодит мэдээллээс эхэлдэг.
Танай компани үйлдвэрийнхээ урсгалын системийн эрсдэлийг бүрэн хянаж чадаж байна уу? Үйлдвэрийн төлөвлөгдөөгүй сул зогсолт нь зөвхөн насос, бутлуур, тээрэм зэрэг үндсэн тоног төхөөрөмжөөс бус, урсгалын системийн далд эрсдэлээс үүдэлтэй байх нь элбэг.
Уул уурхайн баяжуулах үйлдвэр болон дэд бүтцийн салбарт хамгийн түгээмэл тулгардаг 3 гол эрсдэлийг авч үзье.
1. Элэгдэл ба хуримтлагдсан эвдрэл
Ган, алт, никель, зэс, түүнчлэн лити, кобальт зэрэг металлыг агуулсан материалтай урсгал нь насос, хаалт, хоолой, доторлогоо зэрэг чухал тоног төхөөрөмжийн элэгдлийг түргэсгэдэг.
- Төлөвлөгдөөгүй сул зогсолт
- Засвар үйлчилгээний зардлын өсөлт
- Үйлдвэрлэлийн бүтээмжийн бууралт
2. Далд даралтын эрсдэл
Даралт хэмжих төхөөрөмжийг буруу сонгох эсвэл оновчгүй байрлуулах нь систем дэх даралтын хэлбэлзэл, огцом өсөлтийг цаг тухайд нь илрүүлэх боломжийг хязгаарладаг.
- Шугам хоолойн гэмтэл
- Насосны ажиллагааны доголдол
- Тоног төхөөрөмжийн ашиглалтын хугацаа богиносох
3. Бодит мэдээлэл ба оновчлол
Урсгалын хэмжээ, даралт, энергийн хэрэглээ зэрэг үндсэн үзүүлэлтүүдийг бодит цаг хугацаанд хэмжихгүйгээр үйлдвэрлэлийн үр ашгийг нэмэгдүүлэх, урвалжийн хэрэглээг оновчлох, эрчим хүчний зардлыг бууруулахаар гаргасан шийдвэр оновчтой байх боломжгүй юм.
Бидний үзүүлэх дэмжлэг
Коре Ти Эс Түншлэл ХХК нь тоног төхөөрөмж нийлүүлэхээс гадна техникийн шаардлагыг тодорхойлох, оновчтой сонголт хийх, нийлүүлэлт, суурилуулалт, ашиглалтад оруулалт болон техникийн дэмжлэгийг цогцоор нь үзүүлж, дээрх 3 эрсдэлийг бууруулахад танай байгууллагад тохирсон шийдлийг санал болгох болно.
